હું ગાયત્રી. મારું નામ મારા માટે અમૂલ્ય છે, કારણ કે એ નામ મને મારા શાળાના સાહેબ અને મેડમ દ્વારા મળ્યું.
મારો જન્મ પાવાગઢ નજીક આવેલા એક નાના ગામમાં થયો. મારો ઉછેર મારા નાના (જેને હું પ્રેમથી બાપુ કહેતી) અને નાની (મા) ના ઘેર થયો. ઘરમાં હું બધાની લાડકી હતી, અને સૌ મને “લીલુ” કહીને બોલાવતા.કહીને બોલાવતા.
🌸 બાળપણની યાદ
એક દિવસની વાત છે – જયારે હું માટીમાં રમતી હતી, ત્યારે બાપુ મને હાથ પકડીને ગામની શાળામાં લઈ ગયા. તેમના હાથમાં એક નાળિયેર અને સાકરનો પ્રસાદ હતો. એ દિવસે શાળામાં સરસ્વતી પૂજન થયું, મોઢું મીઠું કરાવાયું, અને એ જ દિવસે શાળાના ચોપડે મારું નામ લખાયું.
શાળાનું સંચાલન તે સમયે સરદા મેડમ અને ચંદ્રકાંત સર કરતા હતા. એમણે જ મારા જીવનમાં નવો અધ્યાય શરૂ કર્યો – મને નામ આપ્યું “ગાયત્રી”. એ ક્ષણ આજે પણ મારા માટે સ્મરણિય છે, કારણ કે એ નામ માત્ર એક ઓળખ નહોતું, પણ મારા જીવનનો દિશાસૂચક બની ગયું.
🌱 શિક્ષણ અને સફર
ધોરણ ૧ થી ૪ સુધી હું એ જ શાળામાં ભણી. ત્યારબાદ, હું મમ્મી સાથે બરોડા ગઈ અને ત્યાંથી મારું શિક્ષણ આગળ વધ્યું.
સમય જતાં, મેં IT ક્ષેત્રમાં અભ્યાસ કર્યો અને Software Engineer (Full Stack Developer) તરીકે મારી professional સફર શરૂ કરી.
પરંતુ, મારા માટે જીવન ફક્ત ટેકનોલોજી પૂરતું નહોતું. અંદરથી હંમેશા મને આધ્યાત્મિકતા તરફ ખેંચાણ અનુભવાતું. એ જ પ્રેરણા મને Yoga & Mindfulness Teacher તરીકે લોકો સુધી પહોંચાડવા દોરી ગઈ.
🌿 મારાં શોખ અને ખાસ રસ
- યોગ અને ધ્યાન → મનની શાંતિ, જાગૃતિ અને સંતુલન માટે યોગ અને ધ્યાન મારા જીવનનો અગત્યનો ભાગ છે.
- વાંચન અને શબ્દોનો રસ → પુસ્તકો, વાર્તાઓ અને નવા શબ્દોમાં ડૂબી જવાનું ગમે છે. શબ્દો મારું આંતરિક વિશ્વ ઉજાગર કરે છે.
- રસોઈ → નવા નવા વ્યંજનો બનાવવું અને પરિવાર-મિત્રોને ખવડાવવું, ખાસ કરીને ભારતીય અને સાત્વિક વાનગીઓ બનાવવી.
- બાગબગીચો (Gardening) → પ્રકૃતિ સાથે સમય વિતાવવો, છોડ ઉછેરવા, જમીન સાથે જોડાઈ રહેવું.
- લેખન → વિચારોને શબ્દોમાં ઉતારી, જીવનના પ્રતિબિંબો વાચકો સાથે વહેંચવા.
હું માનું છું કે જીવન એ ઈશ્વરની એક અમૂલ્ય સોગાત છે. દરેક દિવસ અને દરેક પળ એક ભેટ છે, જેને જાગૃતિથી જીવવું જોઈએ.
મારા લેખન, યોગ અને ધ્યાન દ્વારા હું એ જ સંદેશ લોકોને પહોંચાડવા માંગું છું – થોભો, વિચારો, અને વર્તમાન ક્ષણનો આનંદ માણો.
👉 મારા વિશે વધુ જાણવા, તમે મારા બ્લોગના “મારું પ્રતિબિંબ” વિભાગમાં વાંચી શકો છો.